BAQ: Nıtstsa áýejaıyndaǵy kúdikti paket evakýatsııaǵa sebep boldy
BRıÝSSELЬ. QazAqparat - Áskerıler termınal ǵımaratyna tekserý júrgizgennen keıin Nıtstsa áýejaıyndaǵy jaǵdaı turaqtaldy.
Kanadalyq CBC News arnasynyń korrespondenti Tomas Daıgle habarlaǵandaı, jolaýshylardyń biri umyt qaldyrǵan kúdikti paket úshin Nıtstsa áýejaıynyń bagaj alý zonasyna evakýatsııa jasaldy.
Kúdikti paketti teksergen soń, termınal aınalasyndaǵy qorshaý sheshildi jáne jolaýshylarǵa áýejaıǵa kirýge ruqsat etildi.
Áýejaı saıty ushatyn/qonatyn reısterdiń qalypty rejımde ekenin kórsetip tur.
Áýejaı saıtynyń bas paraqshasyndaǵy habarlamada: «Bolǵan qorqynyshty oqıǵaǵa qaramastan, áýejaı jumysy men áýe qozǵalysy toqtamaıdy», - dep jazylǵan.
Buǵan deıin Nıtstsa áýejaıyn áskerılerdiń qorshap alǵany, kóshirilgeni týraly habarlanǵan edi.
