BAQ Meıvezerge Golovkın-Alvares jekpe-jeginiń jeńimpazymen judyryqtasýdy usyndy
ASTANA. QazAqparat - Bleacherreport.com sport portalynyń jýrnalısi Kevın Makreı dańqty boksshy Floıd Meıvezer Konor Makgregordy jeńgennen keıin onyń mansabyn damytatyn jeke bes nusqa jasady, dep habarlaıdy Sports.kz.
Tizimdegi tórtinshi orynda Gennadıı Golovkın - Saýl Alvares jekpe-jeginiń jeńimpazymen aıqas tur.
«Meıvezer 2013 jyly «Kanelomen» megafaıtta judyryqtasyp, ár raýndtyń ár sekýndynda jeńiske jetken edi. Alvares sodan beri kúsheıdi, alaıda biz ol shoýdy kórip qoıdyq. Eger Gennadıı Golovkın 16 qyrkúıek kúni «Kanelony» jeńse, qyzyqtyraq bolatyn edi. Sol kezde ol P4P reıtınginde kóshbasshylyqqa úmitkerlik etetin orta salmaqtaǵy chempıon bolar edi. Bul Meıvezerdiń oıynǵa qaıtýy úshin jetkilikti me? 50-0 rekordyn ornatqan ol ol eshkimge eshteńe dáleldeýge mindetti emes. Floıdtyń murasy úshin bul da, basqa aıqas ta kerek emes. Onyń synshylary árdaıym rıza bolmaıdy, al jankúıerleri - oǵan bar janymen berilgen. Bul bolady dep kútiletin jekpe-jek emes jáne bul usynysty Floıdtyń qabyldaıtyny ekitalaı, alaıda ol ony qabyl alsa she?» - delingen materıalda.
Bul nusqadan bólek, avtor Meıvezerge mynany usyndy: Makgregormen qarymta aıqas ótkizý, Errol Spenspen jekpe-jekke shyǵý, zeınette qalý, sondaı-aq jańa Floıd Meıvezerdi tabý.
