BAQ: Maıkl Blýmberg AQSh prezıdenttigine úmitker bolýy múmkin
ASTANA. QazAqparat - Nıý-Iorktiń burynǵy meri, mıllıarder Maıkl Blýmberg AQSh prezıdenttigine óziniń kandıdatýrasyn usynýy múmkin, dep habarlaıdy Bı-bı-sı Blýmbergtiń qasynda júretin derekkózderge silteme jasap.
Olardyń málimetterine qaraǵanda, kásipker táýelsiz kandıdat retinde óz naýqanyn bastamaqqa bel býyp otyr.
Buǵan Blýmberg 1 mlrd dollar kóleminde óziniń jeke qarjysyn jumsaýǵa daıyn.
Maıkl Blýmberg 2002 - 2013 jyldarda Nıý-Iorktiń meri boldy. Sondaı-aq ol Bloomberg aqparattyq agenttiginiń ıesi bolyp tabylady.
