BAQ: Manchesterdegi lańkes saýda úıiniń beınekamerasyna túsip qalǵan
ASTANA. QazAqparat - Manchesterdegi jarylysqa qatysy bar dep boljanǵan Salman Abedı Arndale saýda ortalyǵynyń beınekamerasyna túsip qalǵan, ol jerde jankeshti lańkes jarylys qurylǵysyn salýǵa arnalǵan sómke satyp alýy múmkin, dep habarlaıdy Sky News telearnasy.
Baqylaý kameralaryndaǵy juma kúni keshke túsirilgen eki sýrette de qara kıimdi, ıyǵynda qara rıýkzagy bar jas jigit kórsetilgen. Fotosýretterdiń birinde jigittiń ıyǵyndaǵy rıýkzaktyń baǵasy kórsetilgen qaǵazy áli alynbaǵandyǵy baıqalady, ol sómkeniń taıaý arada satylyp alynǵandyǵyn aıǵaqtaıdy, dep boljaıdy telearna tilshisi.
Telearna málimetinshe, polıtsııa anyqtaǵan Abedıdiń saýda úıine barmas buryn bankomattan alǵan 250 fýnt sterlıngi rıýkzak satyp alýǵa jumsalýy ábden múmkin.
