BAQ: KHDR qorǵanys mınıstri ólim jazasyna kesilip, zeńbirekpen atyldy
ASTANA. QazAqparat - Koreıa Halyqtyq -Demokratııalyq Respýblıkasy qarýly kúshteriniń mınıstri Hen En Chhol ólim jazasyna kesildi. Bul týraly Ońtústik Koreıa eliniń ulttyq barlaý qyzmeti málim etti, dep habarlaıdy TASS.
Ol eldiń kóshbasshysy Kım Chen Ynnyń qatysýymen ótken áskerı shara kezinde uıyqtap qalǵany úshin aıyptaldy, dep aqparattandyrdy Koreıa Respýblıkasy ulttyq parlamentiniń depýtattary úshin ótken brıfıngte barlaý ókili.
Mınıstr shuǵyl qyzmetinen bosatylyp, opasyzdyq jasaǵany úshin aıyptaldy, dep habarlaıdy KR barlaý ókiliniń sózderin keltirgen Renhap aqparattyq agenttigi. Onyń málimdeýinshe, Hen En Chhol zeńbirekpen atylǵan.
