BAQ: Qazaqstandyqtar Reseıdegi prezıdenttik saılaýdyń qorytyndysyna býkmekerlik stavkalar qoıýda

Bul týraly búgin «Ekspress K» gazeti jazdy.

 Qumar oıynǵa áýes qazaqstandyqtar Reseıdegi prezıdenttik saılaýdyń nátıjesine býkmekerlik stavkalar jasaýda. Birneshe kún buryn Astanada bıznesmenderdiń biri Vladımır Pýtın prezıdenttik saılaýda elektorattyń 51,25 paıyz daýsyn jınaıtyndyǵyna 5 mıllıon teńge bás tikken. 

 «Ádette fýtbol matchtaryna bás tigetin bizdiń klıentter qazir biri qalmaı Reseıdegi prezıdenttik saılaýdyń qorytyndysyna stavkalar qoıýda», - deıdi elordadaǵy býkmekerlik keńselerdiń biriniń dırektory Vıktor Demıanov.

 «Kez kelgen kandıdattyń jeńisine bás jasaýǵa bolady, tek Vladımır Pýtınnen basqasyna. Mysaly, eger bireý Mıhaıl Prohorovtyń jeńisine aqsha tikse, biz qoıylǵan árbir teńgeni 555 ese úlkeıtýge daıynbyz. Al qısyndy oılaıtyn klıentter Pýtınniń qansha daýys jınaıtyndyǵyna qoıa alady. Birneshe kún buryn Astanada bıznesmenderdiń biri Vladımır Pýtın prezıdenttik saılaýda elektorattyń 51,25 paıyz daýsyn jınaıtyndyǵyna 5 mıllıon teńge tikti. Eger favorıt saılaýda jeńiske jetse, ol adam 2,5 mıllıon teńge utady (koeffıtsıent 1,57). Reseı Úkimetiniń basshysy «arab kókteminiń» qylań bere bastaǵan tusyn paıdalanyp, óziniń pozıtsııasyn nyǵaıtyp aldy, sonymen qatar oppozıtsııa sherýlerinen saıası paıda kórdi.

 «Otandyq býkmekerlik keńseler halyqaralyq seriktesterdiń stavkalaryn qaıtalaıtyndyǵyn eskersek, batys oıynshylary Pýtınniń osynshama mólsherde daýys jınaıtyndyǵyna kúmán keltirip jatyr degen sóz. Sonymen qatar býkmekerler saılaýda Prohorov-Mıronov dýelinde qaı jeńgenine bás tigýdi de usynady. Qalaı degenmen qazaqstandyqtardyń deni Reseıdegi saılaý naýqanyn fýtbol matchtary sııaqty jiti baqylap otyratyn bolady», - dedi ol.