BAQ: Katar 2022 jylǵy álem chempıonatyn ótkizý quqyǵyn 5 mln. dollarǵa satyp aldy
ASTANA. QazAqparat - Fýtboldan Azııa konfederatsııasynyń burynǵy prezıdenti katarlyq Muhamed bın Hammam Fýtbol qaýymdastyǵynyń halyqaralyq federatsııasy Katardy 2022 jylǵy álem chempıonatynyń qojaıyny retinde tańdaýy úshin 5 mln. dollar kóleminde para bergen. Bul týraly Lenta.ru The Sunday Times aqparatyna silteme jasap habarlady.
Brıtanııalyq basylymnyń aqparaty bın Hammamnyń elektrondy hattary, qujattary men banktik esepshottaryna negizdelgen.
Ol saılaýǵa qatysatyn FIFA-nyń atqarý komıtetindegi 30 afrıkalyq ulttyq fýtbol qaýymdastyqtaryna 200 myń dollarǵa deıin qarjy tólegen. Ol sonymen birge saılaýǵa qatysy bar adamdarǵa aqsha taratyp, saltanatty qabyldaýlar ótkizgen.
Bın Hammamnyń ózi atqarý komıtetiniń múshesi boldy. 2010 jyldyń jeltoqsanynda ol 2018 jáne 2022 jyldary ótetin chempıonat ıelerin anyqtaýǵa qatysqan edi. Bir jyldan keıin ol uıym prezıdentin saılaýda satyp alýǵa qatysy bolǵandyqtan FIFA-dan shyǵaryldy.
Bın Hammamnyń uly Hamad Ál-Abdýlla túsinikteme berýden bas tartty.
Osyǵan deıin FIFA prezıdenti Iozef Blatter Katardyń 2022 jylǵy álem chempıonatyn ótkizý orny etip tańdalýy qatelik bolǵanyn moıyndaǵan bolatyn.
