BAQ: Qanat Islamnyń jankúıerleri Kırklendpen ótetin aıqastan zor áser alady
ASTANA. QazAqparat - Roundbyroundboxing.com saıty qazaqstandyq boksshy Qanat Islamnyń (24-0, 19 KO) jankúıerlerine unaıtyn qasıetin atap ótti, dep habarlaıdy Sports.kz.
«Islam Gonsalespen bolǵan aıqasta buryn kórgen nárseni kórsetti: ol qorǵanystan qam jemeı, únemi shabýyl jasady. Onyń bul qasıeti Kırklendpen ótetin aıqasta jankúıerleriniń ornynan turyp, oǵan jaqtasýyna yqpal etedi», - dep jazdy basylym.
Eske salaıyq, 27 mamyr kúni Islam meksıkalyq Norberto Gonsalesti (23-9, 13 KO) jeńip, birinshi orta salmaqtaǵy WBO NABA jáne WBA Intercontinental tıtýldaryn ıelendi. Qazaqstandyqtyń kelesi qarsylasy amerıkalyq boksshy Djeıms Kırklend (32-2, 28 KO) bolady dep kútilýde. Jekpe-jek 9 qyrkúıek kúni Astanada ótedi.
