BAQ: Kaır qalasynda «Al-Kaıedanyń» ýaqytsha basshysy tutqyndaldy
ASTANA. 29 aqpan. QazAqparat - Kaır qalasynyń áýejaıynda «Ál-Kaıeda» halyqaralyq lańkestik júıesi kóshbasshylarynyń biri - Seıf ál-Adel ustaldy, dep habarlaıdy arabtyń Al-Jazeera telearnasy. Egjeı-tegjeıleri áli aıtylǵan joq, dep habarlaıdy RBK.
2011 jyldyń mamyr aıynda «Ál-Kaıeda» jetekshiligine jaqyn adamdar júıeniń negizin qalaýshy Ýsama ben Laden óltirilgennen keıin S. ál-Adel uıymnyń ýaqytsha kóshbasshysy bolyp saılanǵanyn habarlanǵan bolatyn.
S. ál-Adel AQSh-tyń Federaldyq tergeý bıýrosynyń qatty izdelip jatqan lańkesteriniń tizimine kiredi. Oǵan 1998 jyldan bastap AQSh-tyń Kenııa jáne Tanzanııadaǵy Elshilikterinde bolǵan lańkestik áreketterge qatystylyǵy bar degen aıyppen izdeý salynǵan. AQSh-tyń memlekettik departamenti S. ál-Adeldi qolǵa túsirýge kómektese alatyn aqparat úshin 5 mln. dollar kóleminde syıaqy usynǵan.
