BAQ-qa jastardy tartý úshin áleýmettik jelilerdi paıdalaný tıimdi - QazAqparat basshysy Dáýren Dııarov
ASTANA. 20 maýsym. QazAqparat - BAQ-qa jastardy tartý úshin áleýmettik jelilerdi paıdalaný tıimdi. Mınskide XV Dúnıejúzilik orys baspasózi kongresine qatysqan «QazAqparat» agenttiginiń basqarma bastyǵy Dáýren Dııarov BELTA tilshisine bergen suhbatynda osylaı aıtty.
Búgin kongrestiń jalpy otyrysynda talqylanyp jatqan taqyryptardyń biri - dástúrli BAQ jáne áleýmettik jelilerdiń ózara yqpaldastyǵy. «Áleýmettik jelilermen sanasý jáne qyzmet isteý kerek, biraq, olardy básekeles retinde qarastyrýǵa bolmaıdy. Olar degenmen aqparat kózi bolyp sanala alady, biraq 80% jaǵdaıda ol jónsiz bolmaq. Ony oqyǵan adamdar rastaý úshin resmı BAQ-qa habarlasady. Al memlekettik baspasóz jarııalaǵan jańalyq talasy joq shyndyq bolyp tabylady», - dedi Dáýren Dııarov.
«QazAqparat» agenttiginiń tájirıbesine qatysty D.Dııarov: «Biz ózimiz áleýmettik jelilerge qatysamyz, olarǵa aqparat kózi retinde qyzmet etemiz. Olar bizge aqparatty taratýǵa, resmı baspasózdi jıi oqymaıtyn jastarǵa jetkizýge kómektesedi», dep atap kórsetti.
Dáýren Dııarov, sondaı-aq, kongresten óziniń ne kúterin de bólisti: «Bul ári eski dostarmen kezdesý, sonymen qatar tájirıbe, mysaly, aqparat berýdiń jańa mýltımedııalyq trendterimen almasýǵa múmkindik».
Orys baspasóziniń dúnıejúzilik kongresi óz jumysyn 23 maýsymǵa deıin jalǵastyrady. Forýmǵa qatysýshylar 21 maýsymnan 22 maýsymǵa qaraǵan túni Uly Otan soǵysy bastalýynyń kezekti jyldyǵyn eske túsirýge arnalǵan is-sharalarǵa qatysyp, Nesvıj, Brest qamalyn aralaýdy josparlap otyr. Kongress baǵdarlamasynda «Belovej nýy» ulttyq saıabaǵynyń «Vıskýlı» rezıdentsııasyn aralaý da qarastyrylǵan.
Orys baspasóziniń XV Dúnıejúzilik kongresi Orys baspasózi Dúnıejúzilik qaýymdastyǵy (OBDQ), Reseıdiń ITAR-TASS agenttigi, BELTA aqparat agenttigi, Aqparat mınıstrligi, Syrtqy ister mınıstrligi jáne basqa da Belarýs eliniń memlekettik organdarynyń qoldaýymen uıymdastyryldy.
