BAQ-qa salyqtyq jeńildikter berý múmkindigi qarastyrylýda
Bul týraly búgin Astanada «Qazaqstan Respýblıkasynyń medıa zańnamasyn reformalaýdyń keleshegi» atty taqyrypta ótip jatqan dóńgelek ústel otyrysy barysynda Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Qalıanbekov málim etti.
Sóz arasynda komıtet tóraǵasy byltyrǵy jyly mınıstrlik tarapynan buqaralyq aqparat quraldaryn tirkeýdegi ákimshilik kedergilerdi joıýǵa baǵyttalǵan birqatar ózgerister júzege asqanyn málim etti.
«Atap aıtqanda, merzimdi baspasózdi esepke alý úderisteri ońaılatylyp, esepke alý týraly ótinishti qaraý merzimi 15-ten 10 kúnge azaıtyldy. Merzimdi baspasózdi esepke qoıýǵa qatysty ótinishpen qosa beriletin qujattar tizimi joıyldy. Buǵan qajetti aqparattardyń barshasy arnaıy aqparattyq bazalardan alynatyn boldy», - dedi B. Qalıanbekov.
Onyń aıtýynsha, búgingi kúni sapaly otandyq kontentti damytý baǵytynda zańnamaǵa salyqtyq preferentsııa formatynda yntalandyrý normalaryn engizý múmkindigi zerdelenýde. «Bul másele boıynsha mınıstrlik medıa-qaýymdastyqpen, memlekettik emes BAQ-pen keńester júrgizý ústinde», - dedi ol.
