BAQ: «Islam memleketi» kún saıyn munaı satýdan 3 mln. dollardan astam paıda túsiredi
ASTANA. QazAqparat - Sırııa men Iraktaǵy edáýir aýmaqty qamtıtyn «Islam memleketi» toby kún saıyn munaı satýdan 3 mln. dollardan astam paıda tabady, sondyqtan da tarıhta eń baı terrorlyq uıym osy jerde. Bul týraly AP agenttigine silteme jasaı otyryp ITAR-TASS habarlady.
Amerıkalyq barlaý derekterine súıensek, qazirgi ýaqytta IM ekstremısteri Sırııa men Irak aýmaǵynda 11 munaı ken ornyn baqylaýda. Avtotsısternada óndirilgen munaı Iordanııa, Túrkııa men Iraktyń qara naryǵyna jetkiziledi. AP agenttigi atap ótkendeı, IM-de munaı baǵasy barelline 25-ten 60 dollarǵa deıin aýytqyp turady, sonymen birge qara altynǵa naryqtyq baǵa barelline 100 dollardan asady.
Amerıkalyq barlaýdyń baǵalaýynsha, AQSh avıatsııasy IM-ge kiris ákeletin munaı ınfraqurylymy nysandaryn ońaı joıa alady. Alaıda Vashıngton avıasoqqydan azamattyq tulǵalar zardap shegedi degen qaýippen mundaı qadamǵa ázirge bara almaı otyr.
AP agenttigi IM qosymsha qarajatty urlyq, adam saýdasy, óteýine aqsha alý úshin kepil ustaý arqyly tabatynyn aıtty.
