BAQ: Iran baıytylǵan ýrannyń jartysyna jýyǵyn medıtsınalyq reaktordyń otynyna aınaldyrdy
ASTANA. 14 qyrkúıek. QazAqparat - Iran 20 paıyzǵa deıin baıytylǵan 100 kılogramm ýrandy medıtsınalyq zertteý reaktory úshin otynǵa aınaldyrdy, dep habarlady Rosbalt.
Agenttiktiń Irannyń atom energııasy uıymynyń basshysy Álıakbar Salehıdiń málimdemesine silteme jasap habarlaýynsha, sóıtip, 20 paıyzǵa deıin baıytylǵan ýrannyń qory 240 kılogramnan 140 kılogramǵa deıin qysqardy.
Eske sala keteıik, tamyzdyń aıaǵynda Iran Natanzedegi ortalyqta ýrandy baıytý úshin 1,861 tsentrıfýgany qosymsha ornatqany, sóıtip, olardyń jalpy sanyn 15,416 myńǵa jetkizgeni habarlanǵan bolatyn.
Qýattardyń arttyrylýyna qaramastan, Iran joǵary baıytylǵan ýrannyń kólemi boıynsha Izraıl belgilegen «qyzyl syzyqtan» asqan joq.
Eske sala keteıik, Iran men MAGATE ókilderi 27 qyrkúıekte Tegeranda ırandyq ıadrolyq problema boıynsha kelissózderdiń kezekti raýndysyn ótkizedi. Bul Iran prezıdenti Hasan Rýhanı saılanǵannan bergi ırandyq sheneýnikter men MAGATE sarapshylarnyń alǵashqy kelissózderi bolmaq.
Batys álemi kópten beri Irannyń ıadrolyq baǵdarlamasyna baılanysty ıadrolyq qarý jasaýǵa kúdiktenip, alańdaýly.
