BAQ Ilıa Ilınniń qanynan dopıng tabylǵanyn habarlady
ASTANA. QazAqparat - Azııalyq BAQ-qa silteme jasaǵan Oasport.it-tiń aqparaty boıynsha, aýyr atletıkadan Olımpıadanyń eki dúrkin chempıony jáne álemniń tórt dúrkin chempıony Ilıa Ilınniń 2012 jylǵy Olımpıada kezinde alynǵan dopıng-synamasy oń nátıje kórsetken.
Bul aqparat rastalsa, Ilın Olımpıadanyń altyn medalinen aıyrylyp, 2016 jyly Rıoda ótetin Olımpıadaǵa qatyspaıdy, dep jazady Sports.kz.
Eske sala keteıik, budan buryn Qazaqstannyń basqa Olımpıada chempıony - Zúlfııa Chınshanlonyń dopıng-synamasy da oń nátıje bergeni týraly habarlanǵan bolatyn.
