BAQ: Hovansk zıratynda tóbeleske qatysqan 42 adam Reseıden shyǵarylýy múmkin
ASTANA. QazAqparat - Máskeýde Hovansk zıratynda tóbeleske qatysqany úshin ustalǵan 50-ge jýyq adam kóshi-qon zańnamasyn buzǵany úshin Reseıden shyǵarylýy múmkin, dep habarlady RIA Novostı quqyq qorǵaý organdaryndaǵy aqparat kózine silteme jasap.
Elordalyq ІІM habarlaýynsha, Máskeýdiń Hovansk zıratyndaǵy tóbeles senbi kúni oryn aldy. Oǵan shamamen 200 adam qatysty. Máskeý densaýlyq saqtaý departamenti habarlaǵandaı, 3 adam qaza tapty, 23-i aýrýhanaǵa jatqyzyldy, tórteýiniń jaǵdaıy aýyr. Aldyn ala aqparatqa qaraǵanda daý zırattaǵy qyzmet kórsetý aýmaǵy úshin talastan týyndaǵan. Adam óltirý faktisi boıynsha qylmystyq is qozǵaldy.
Aqparat kóziniń sózine qaraǵanda, ustalǵandardyń jartysy zańsyz júrgender jáne quqyq buzýshylar retinde elden shyǵarylýy múmkin.
«Qazir ustalǵandardyń sany 110 adamnan asady. Olardyń 12-sinde esh qujat joq. 30-y kóshi-qon erejesin buzǵan. Olardyń barlyǵynyń qylmysqa qatystylyǵy tekseriledi, keıin olardy elden shyǵarý máselesin qarastyrý úshin is sotqa joldanady», - dedi RIA Novostıdiń aqparat kózi.
