BAQ: HAMAS jetekshisi tiri jáne baılanysqa shyqty
ASTANA. KAZINFORM - Birqatar BAQ Palestına radıkaldy HAMAS qozǵalysy Saıası bıýrosynyń basshysy ıAhıa Sınvardyń tiri ekenin jáne uzaq únsizdikten keıin baılanysqa shyqqanyn habarlady, jazdy TASS.
Esterińizge sala keteıik, ıAhıa Sınvar 31 shildede Irannyń jańa prezıdentiniń ınaýgýratsııasyna bara jatyp, Tegerandaǵy qonaq úıdegi jarylystan qaza tapqan Ismaıl Hanııanyń HAMAS-taǵy murageri boldy.
Walla portalynyń suhbattasýshysy — ızraıldik sheneýniktiń aıtýynsha, Sınvar sońǵy kúnderi Katardaǵy HAMAS ókilderimen baılanysyn qalpyna keltirip, olarǵa habarlamalar jibergen.
Izraıl sheneýnigi HAMAS jetekshisiniń habarlamalardy naqty qashan jibergeni belgisiz ekenin aıtty. Biraq onyń habarlamalarynda Gaza sektorynda kepilge alynǵandardy bosatý jónindegi kelissózderdegi ustanymynyń jumsarǵany kórsetilmegenin atap ótti.
HAMAS-tyń jańa basshysy Izraılmen bitimge kelgisi keletinin jazǵan bolatynbyz.
7 qazanda Palestınanyń Hamas qarýly tobynyń shabýylynan týyndaǵan Gaza sektoryndaǵy áskerı qaqtyǵystyń bastalǵanyna bir jyl toldy.
