BAQ: Germanııa bıligi EO ımmıgranttaryn kedeılik boıynsha járdemaqydan aıyrmaq
BERLIN. 11 naýryz. QazAqparat - Germanııa úkimeti Eýropalyq odaqtyń birqatar elderinen kelgen ımmıgranttardy kedeılik boıynsha járdemaqydan aıyrýdy kózdep otyr, dep habarlady Rosbalt.
Bul týraly GFR eńbek mınıstrligine silteme jasap Frankfurter Rundschau basylymy jazǵan.
Eýropanyń ońtústigindegi jumyssyzdyqtyń ósýine baılanysty Germanııa bıligi osylaısha Eýropalyq odaqtyń birqatar elderinen eńbek mıgranttarynyń elge kelip qonystanýyn qıyndatýdy kózdep otyr. Grekııadan, Portýgalııadan, Ispanııadan jáne Eýropalyq odaqtyń basqa da elderinen kelgen ımmıgranttar endi kedeıligi boıynsha járdemaqy alý quqyǵynan aıyrylatyn bolady. Eńbek mınıstrligi osyndaı sharalar arqyly Eýroodaqtyń barlyq elderindegi azamattardyń quqyqtaryn teńdestirmekshi.
Budan buryn Germanııada 1953 jylǵy eýropalyq kelisimniń kúshi áreket etken bolatyn, oǵan sáıkes Eýroodaqtyń 17 eliniń azamattaryna kedeılik boıynsha járdemaqy berilip kelgen bolatyn.
GFR oppozıtsııasy úkimet josparlaryn aıyptady. Germanııa sotsıal-demokaratııalyq partııasynyń býndestagtaǵy fraktsııasy tóraǵasynyń orynbasary Elke Ferner Eýroodaq elderinen kelgen ımmıgranttar GFR-ge qonystanǵannan keıin mundaı járdemaqy talap etip otyrǵan joq dep málimdedi. Ol sondaı-aq osy sharalarymen úkimet 1953 jylǵa deıingi tártipke qaıta oralmaq degen kiná taqty.
