BAQ: Fınlıandııa premeri maýsymda otstavkaǵa ketedi
ASTANA. QazAqparat - Fınlıandııa Premer-mınıstri ıÝrkı Kataınen maýsym aıynda otstavkaǵa ketedi, dep habarlaıdy Reuters.
Kataınen baspasóz máslıhatynda Ulttyq koalıtsııalyq partııa tóraǵasy qyzmetiniń jańa merzimine túsýden bas tartqandyǵyn málim etti.
Bul mindetti túrde eldiń koalıtsııalyq úkimeti basshysy laýazymynan ketýi degen sóz. Premer buǵan qosa mamyrda Eýroparlament, al aldaǵy jyly Fınlıandııa parlamenti saılaýyna túspeıtindigin de jetkizdi.
Kataınenniń sózine qaraǵanda, ol óz kúshin halyqaralyq saıasatta synap kórmek.
«Mysaly, Eýrokomıssııa nemese onyń quramynan tys arnaıy mindetterdi oryndaý. Meni osy qyzyqtyrady», degen premerdiń sózin keltiredi Reuters.
Ol Eýrokomıssııanyń basshysy Joze Manýel Barrozýdyń ornyna birden-bir úmitker bolyp sanalady. Eýrokomıssııanyń jańa tóraǵasyn saılaý mamyrda ótetin Eýroparlamenttiń jańa quramyn saılaýdan keıin bolady.
Kataınen on jyl boıy Ulttyq koalıtsııalyq partııaǵa jetekshilik etip keledi, al mınıstrler kabınetin 2011 jyldan beri basqarýda.
