BAQ: FIFA atqarýshy komıteti 20 qazanda uıymnyń prezıdenti mindetin atqarýshyny saılaı alady
ASTANA. QazAqparat - Halyqaralyq fýtbol federatsııasynyń (FIFA) atqarýshy komıteti 20 qazanda bolatyn kezekten tys otyrysta uıym prezıdentiniń mindetin ýaqytsha atqaratyn adamdy saılaı alady.
Bul týraly Sonntags Zeitung habarlady.
Beısenbide FIFA etıka boıynsha komıteti jemqorlyqqa qatysy bar degen kúdikpen FIFA basshysy Iozef Blatterdi, Eýropalyq fýtbol qaýymdastyǵy odaǵynyń (ÝEFA) basshysyn jáne FIFA vıtse-prezıdenti Mıshel Platını men FIFA bas hatshysy Jeroma Valkeny 90 kúnge qyzmetinen jáne kez kelgen fýtbol qyzmetinen bosatatynyn jarııalady. Bul sheshimdi FIFA etıka boıynsha komıteti júrgizilgen tergeýge súıenip qabyldady. Shettetý merzimi 45 kúnge deıin uzarýy múmkin.
