BAQ: Elızaveta ІІ-niń burynǵy kómekshisi koroldik otbasynyń qupııasyn jarııalamaq
ASTANA. Qazaqparat - Ulybrıtanııanyń koroldik otbasy baspaǵa daıyndalyp jatqan Elızaveta patshaıymnyń burynǵy baspasóz hatshysynyń kitabyn masqara oqıǵa retinde kútýde, dep habarlaıdy reseılik «Jańalyqtar» agenttigi.
Jýrnalıst, telejúrgizýshi, Elızaveta ІІ patshaıymnyń burynǵy baspasóz hatshysy jáne Býkıngem saraıynyń resmı ókili Dıkı Arbıter Charlz hanzada men Dıana hanshaıymnyń jáne basqa da eki koroldik jup qatynastarynyń qupııasyn ashpaq.
«Charlz hanzada yzaly», - dep habarlaıdy Býkıngem saraıynyń derekkózderi. Dıkı arbıter kóp jyldar hanzadanyń senimdi adamy jáne keńesshisi boldy. Endi 73 jastaǵy Arbıter jurtshylyqqa monarh otbasynyń búkil bylyq-shylyǵyn jaıyp salmaq. Avtorǵa mundaı kitap jazýǵa resmı ruqsatyń joq degen málimdeme de jasalǵan.
Kitap 2014 jylǵy qazanda satýǵa shyǵady dep kútilýde.
