BAQ: Ekvadorda jer silkinisi qurbandarynyń sany 655 adamǵa jetti
ASTANA. QazAqparat - Ekvadorda joıqyn jer silkinisi saldarynan 655 adam qaza tapty. Bul derekterdi jeksenbi keshke óz saıtynda jergilikti Universo gazeti jarııalady.
Basylymnyń aqparatyna sáıkes, dúleı apattan keıin medıtsınalyq kómekke 17 myńnan astam adam júgingen. Qutqarýshylar úıindi astynan tiri qalǵan 113 adamdy qutqardy. 48 adam habar-osharsyz.
Budan buryn Ekvador prezıdenti Rafael Korrea segiz kúndik jalpy ulttyq qaraly kún jarııalaǵan. Ekvadorda - 1919 jyldan beri bolmaǵan 7,8 magnıtýdaly joıqyn jer silkinisi 16 sáýirde Pedernales qalasynda oryn aldy. Materıaldyq shyǵyn shamamen birneshe mıllıon dollarǵa baǵalanýda.
