BAQ: Egıpette eki poıyz soqtyǵysyp, 28 adam qurban boldy
ASTANA. QazAqparat - Egıpettiń soltústiginde eki poıyz soqtyǵysyp, 28 adam qurban boldy. Bul týraly Aleksandrııa qalasynyń Densaýlyq saqtaý mınıstrliginiń ókili Magdı Hıgazı málim etti, dep habarlaıdy TASS.
Onyń sózine qaraǵanda, bul sońǵy málimetter emes, óıtkeni eldiń aımaqtaryndaǵy medıtsına mekemelerinen qurban bolǵandar týraly túrli málimetter kelip túsip jatyr. Osy ýaqytta zardap shekkenderdiń sany 90 adamdy qurap otyr.
Oqıǵa ornynan jetken aqparattarǵa qaraǵanda, Kaırden shyqqan jolaýshylar poıyzy bar jyldamdyǵymen kele jatyp, jolda buzylyp turyp qalǵan Port-Saıd - Aleksandrııa poıyzyna kelip, soǵylǵan. Osy oqıǵanyń saldarynan teplovoz ben eki vagon relsterden shyǵyp ketken. Oqıǵa ornynda dárigerler men qutqarýshylar jumys istep jatyr. Barlyǵy onda 80 jedel járdem kóligi jóneltildi.
Bas prokýratýra temijol apatynyń sebep-saldaryn anyqtaýǵa jedeldetip kiristi. Arnaıy komıssııa qurylyp, qaıǵyly oqıǵany búge-shigesine deıin zertteıtin bolady.
