BAQ: Belgııa premeri ІІM basshysynyń qyzmetten ketýine kelisim bermedi
ASTANA. QazAqparat - Belgııa ishki ister mınıstri ıAn ıAmbon Brıýsselde oryn alǵan lańkestikten keıin óz qyzmetinen ketýge nıetti ekenin málimdegen, alaıda premer-mınıstr Sharl Mıshel onyń qyzmetin bosatý nıetin quptamady, dep habarlady belgııalyq BAQ.
RTBF telearnasynyń boljamyna súıensek, ІІM basshysyn otstavkaǵa ketý týraly sheshim qabyldaýyna Túrkııa bıliginiń ótken jyly olar Brıýsselde jarylys uıymdastyrǵan jankeshtilerdiń birin elden shyǵarǵany týraly málimdemesi sebep bolǵan.
Túrkııa prezıdenti Erdoǵan sársenbide habarlaǵandaı, Ankarada 2015 jylǵy shildede belgııa elshiligine eldiń qaýipsizdik kúshteri belgııa týmasy - ekstremısti ustaǵanyn, ony elden shyǵaryp jibergenin málimdegen. Alaıda belgııalyq saqshylar ony birneshe kúnnen keıin lańkestik uıymǵa esh qatysy joq dep bosatyp jibergen.
«Belgııa bul adam shet eldiń sodyry ekendigi týraly eskertýimizdi elemedi», - dep málimdegen Erdoǵan.
Sońǵy derekterge sáıkes, 22 naýryzda Brıýsselde úsh jarylys saldarynan 31 adam qaza taýyp, 300-ge jýyq adam túrli dárejede jaraqat alǵan.
