BAQ: Bashar Asad Damaskiden Máskeýge qashty
ASTANA. 2 jeltoqsan. QazAqparat - Áleýmettik jeliler men arab blogtarynda, sonyń ishinde Twitter shaǵynblogtarynda jaqynda Sırııa prezıdenti Bashar Asadtyń Máskeýge qashqany týraly qaýeset sóz taraldy.
Arab derekkózderi sırııalyq bılik ókilderi Damask halyqaralyq áýejaıyna kireberis joldaryna baqylaýdy qalpyna keltirgeni týraly habarlaǵanǵa deıin Asadtyń (nemese «óte joǵary qyzmettegi tulǵanyń») Máskeýge ushyp shyqqany jóninde aqparat taratty, dep habarlaıdy Rosbalt.
Twitter jelisinde Damask qalasynan Máskeýdiń «Vnýkovo» áýejaıyna ushyp shyqqan «Sırııa áýe joldarynyń» A320 aerobýsy jóninde jazylǵan. Túrkııanyń áýe keńistigine kirmeý úshin ushaq Kıprdiń, grekııalyq araldar, Rýmynııa jáne Moldavııa ústimen ótti, dep jazady NEWSru.co.il .
Habarlama avtorlary silteme jasaǵan derekkózderdiń arasynda - katarlyq «Ál-Jazıra» telekompanııasy, «Hızballa» ıeligindegi «Ál-Manar» telearnasy, sondaı-aq arab derekkózderine silteme jasaǵan ızraıldik Rotter.net saıty bar.
Esterińizge sala keteıik, Sırııada 2011 jyldyń naýryz aıynda týyndaǵan shıelenis oppozıtsııa men úkimet kúshteri arasyndaǵy qarýly qaqtyǵystarǵa ulasty. Sırııalyq derekkózder elde áreket etip otyrǵan úkimetke qarsy kúshter syrttan kómek alyp otyrǵanyn málimdeıdi. Qazirgi ýaqytta, BUU málimetterinshe, elde 30 myńnan astam adam zorlyq qurbandaryna aınaldy.
