BAQ bas redaktorlary Joǵarǵy Sot Ahýaldyq ortalyǵynyń jumysymen tanysty
Іs-sharaǵa Joǵarǵy Sottyń sýdıalary Larısa Shepeleva men Denıs Shıpp, Departamenttiń jaýapty qyzmetkerleri de qatysty.
Kezdesý barysynda BAQ ókilderine Sot organdary ahýaldyq ortalyǵynyń jumysy tanystyryldy. Іs-sharaǵa barlyǵy 25 shaqty mass-medıa redaktorlary qatysty.
N.Sháripov kezdesýde Joǵarǵy Sot tarapynan elektrondy sot tóreligin damytý boıynsha birshama jumystar atqarylyp jatqandyǵyn atap ótti. Bul jumystar sýdıalardyń VII sezinde bergen Memleket basshysynyń tikeleı tapsyrmasynyń aıasynda iske asyrylýda. Jańa tehnologııalar el azamattary úshin sottar jumysyn qoljetimdi ári aıqyn ete túsedi, sot tóreliginiń tıimdiligin qamtamasyz etedi. «Nátıjesinde munyń barlyǵy elimizdiń sot júıesine degen senimdi arttyrady, bul sottardyń tabysty jumysy men zań ústemdigin qamtamasyz etýdiń mańyzdy faktorlarynyń biri»,- dedi N.Sháripov.
Ahýaldyq ortalyq respýblıkadaǵy 370 sotqa 700 kórsetkish boıynsha on-laın rejımde monıtorıng júrgizýge múmkindik beredi. Ol hat-habarlardy tirkeý boıynsha sottar keńseleriniń jumysyn, ister men materıaldardy avtomatty bólýdi, aýdıobeınetirkeý júıesin qoldanýdy, serverdiń barlyq quramdas bólikteriniń jumys jaǵdaıyn qadaǵalaıdy. Buǵan qosa, kıberqaýipterge der kezinde den qoıady jáne respýblıkanyń barlyq sot zaldaryndaǵy ahýaldy jedel baqylaýǵa alady.
Kezdesý barysynda BAQ basshylaryna Ahýaldyq ortalyqtyń qylmys túrlerine, qylmystyq, azamattyq jáne ákimshilik sot isin júrgizý salalary boıynsha shyǵarylǵan úkimder men sheshimderdiń erekshelikterine qatysty sot statıstıkasyn jınaqtaý men taldaý múmkindikteri kórneki túrde tanystyryldy. Ahýaldyq ortalyq - sottardyń barlyq elektrondy servısteriniń múmkindikterin biriktiretin ortaq sheshim ekendigi aıryqsha atalyp ótildi, dep habarlady Joǵarǵy Sottyń baspasóz qyzmeti.
Budan ári is-shara sheńberinde Bas redaktorlar klýbynyń múshelerine elimizde quqyq júıesiniń odan ári damýynda aıryqsha mańyzǵa ıe jańa zań jobalary tanystyryldy. Máselen, Joǵarǵy Sottyń sýdıasy L.Shepeleva qylmystyq protsesti reformalaý jáne quqyq qorǵaý qyzmetiniń ózge de aspektilerin jetildirýdiń negizgi maqsat-mindetteri týraly aıtty. «Azamattardyń konstıtýtsııalyq quqyqtaryn shekteýge baılanysty, sonyń ishinde qupııa tergeý áreketterin sanktsııalaýǵa qatysty sot baqylaýynyń salalaryn keńeıtý reformanyń basym baǵyty bolyp tabylady. Sot aıyptaý men qorǵaý taraptary sotqa deıingi tergeý barysynda alǵa qoıǵan barlyq máselelerdi qaraý jáne sheshý fýnktsııalaryn tolyq kólemde atqaratyn bolady», - dedi sýdıa.
Joǵarǵy Sot sýdıasy D.Shıpp Ádilet mınıstrligi ázirlegen «Zańgerlik kómek týraly» zań jobasynyń erekshelikterin túsindirdi. Ol zańgerlik qyzmet salasynyń sapasy men qoljetimdiligin arttyrý, sonyń ishinde turǵyndardyń áleýmettik osal toptaryna, sondaı-aq shalǵaı aımaqtarda turatyn azamattarǵa osy kómektiń kórsetilýin qamtamasyz etý maqsatynda zańgerlik qyzmet kórsetý salasyn jetildirýdiń mańyzdylyǵyn atap ótti.
Kezdesý barysynda BAQ redaktorlarynyń barlyq suraqtaryna jaýap berildi. Іs-sharaǵa qatysýshylar sot júıesi men mass-medıa arasyndaǵy dıalogty ornyqtyrýda mundaı kezdesýlerdiń mańyzdy ekendigin atap ótti.
