BAQ: Baǵdadta bolǵan úsh lańkestik oqıǵa saldarynan 80-nen astam adam kóz jumdy
ASTANA. QazAqparat - Sársenbi, Baǵdadta oryn alǵan eki lańkestiktiń qurbandary 22 adamǵa jetti, sóıtip bir kúnde úsh lańkestik oqıǵadan qaza tapqandar sany, aldyn ala derekter boıynsha, 80 adamǵa jetti, dep habarlaıdy RIA Novostı.
Sársenbi tańerteń Madınat-es-Sadrdyń sheıitter ornalasqan aýdandaǵy naryqta mına qoıylǵan kólik jaryldy. Jarylystan 64 adam kóz jumdy. 87 adam jaraqat aldy, dep habarlaǵan Irak jańalyqtar agenttigi polıtsııa derekkózine silteme jasap. IM toby lańkestikti óz moıyndaryna aldy.
Sársenbi keshke Reıter agenttigi polıtsııa derekkózine silteme jasap, Irak astanasynyń soltústigindegi Kadımııa aýdanyna kireberiste taǵy bir jarylys bolǵanyn jazdy. Onda 15 adam kóz jumyp, 33 adam jaraqat alǵan.
Úshinshi jarylys qalanyń batysynda boldy. Bul súnıtter kóp ornalasqan aýdan. Aldyn ala derekter boıynsha 7 adam qaza taýyp, 20 adam zardap shekken. Derekkóz qurbandar sanynyń artýy múmkin ekenin málimdedi.
