BAQ: Aýrý saldarynan betiniń bir jaǵynan aıyrylǵan kishkentaı astanalyq Jaqsylyq Úsenov qaıyrymdy jandardyń kómegine zárý
ASTANA. 24 qazan. QazAqparat - 6 jasar Jaqsylyq Úsenov osy ýaqytqa deıin taǵdyr taýqymetin bir adamdaı bastan keshirip keledi.
Osydan birneshe jyl buryn balaǵa qan aýrýy, keıin gepatıt dıagnozy qoıylǵan. Budan bólek sábıdiń erni men murnynyń arasy, murnynyń ústingi jaǵy kem bola bastaǵan.
Qazir Jaqsylyq ıis sezý qabiletinen múldem aıyrylyp bara jatyr. Oǵan tez arada shet elde operatsııa jasaý kerek, dep jazady «Vremıa» basylymy «V nadejde na chýdo» atty maqalady http://www.time.kz/index.php?module=news&newsid=24139 .
Balaǵa avstrııalyq mamandar operatsııa jasaýǵa daıyn ekenderin aıtqan. Emdeý quny 23,8 myń eýro. Balanyń týǵan-týysqandary óz kúshimen bul operatsııany jasata almaıdy, Jaqsylyqtyń áke-sheshesi de múgedek jandar. Balanyń ájesi ony óz qamqorlyǵyna alǵan, onyń zeınetaqysy túgeldeı óte qymbat dárilerge jumsalady.
Basylym betinde atalyp ótilgendeı, balanyń jaqyndary Densaýlyq saqtaý mınıstrligine kvota berý týraly másele kóterip, ótinish bildirgen. «Komıssııa bir aıdan beri bizdiń ótinishimizdi qaraýda. Bizge qandaı sheshim qabyldanatyndyǵy ázirge aıtylǵan joq. Bizge kvota bergen kúnniń ózinde balany shet elge aparyp, alyp kelýge ketetin qarajatty qosqanda basqa da shyǵyndar kóp», - deıdi Jaqsylyqtyń ájesi Gúlbaný apaı.
Balany shet elge onyń atasy Jumaǵalı Baıboluly Raqymbekov aparady. Qol ushyn berýge daıyn adamdar úshin biz onyń uıaly telefonynyń nómirin jarııalaımyz: 8-705-193-15-47. Jaqsylyqtyń atasynyń halyq banktten berilgen kartochkasynyń nómiri 4402 5735 1004 9226. Jaqsylyq týystarymen Astanada turady.
