BAQ: Astana gaz qubyrynyń Reseıden Qytaıǵa jetkizýdiń balamaly nusqasyn usynyp otyr
ASTANA. QazAqparat - Astana Máskeýge Qytaıǵa gaz jetkizýdiń balamaly nusqasyn usynyp otyr, dep habarlaıdy RIA Novostı.
Reseılik-qytaılyq gaz qubyryn Altaı taýlary arqyly tikeleı Qytaıǵa ótkizý josparlanyp otyr. Ótken jyldyń jazynda Astanada gaz qubyryn Qazaqstan aýmaǵy, sonyń ishinde Astana qalasy arqyly salyp, qytaılyq shekaradan Qorǵas nemese Alashanqoý shekara beketiniń aýdanynda ótý usynysy jasaldy.
«Kommersant» basylymynyń málimetterinshe, qazirgi kezde Qazaqstan «Gazpromǵa» gazdy Qytaıǵa eksporttaý úshin elde bar ınfraqurylymdy paıdalanýdy usynyp otyr. Qazirgi kezde «Gazprom» Qazaqstannyń ońtústik oblystaryn Buqara-Ýral gaz qubyry (2014 jyldyń kúzinde reverstik rejımde iske qosyldy) arqyly gazben qamtamasyz etýde, sodan keıin Beıjińniń Túrkimenstannan gaz alatyn Orta Azııa-Qytaı magıstraldy gaz qubyrymen qosylǵan Bozoı-Shymkent gaz qubyryna beriledi. «Gazdy osy baǵdar boıynsha Qytaıǵa jetkizýge keletin bolsaq, mundaı qyzyǵýshylyq, árıne, bar», - dep málimdedi gazetke «QazMunaıGaz» UK» AQ basqarmasynyń tóraǵasy Saýat Myńbaev.
Buqara-Ýral reverstik rejımindegi gaz qubyryn paıdalaný boıynsha «Gazprom»-nan gazetke mundaı kesteniń Qazaqstanǵa ózbek gazynyń ımportyn tómendetýge múmkindik beretinin málimdedi. «Teorııada, Beıneý-Bozoı-Shymkent» gaz qubyry salynyp bolǵan kezde, al qor bazasy jetkilikti bolǵan jaǵdaıda, qazaqstan ońtústik oblystaryn ózi qamtamasyz ete alady», - dep atap ótti monopolııadan.
