BAQ arasynda ótetin tsıfrlyq teleradıo jónindegi konkýrsqa blogerler de qatysa alady
ASTANA. QazAqparat - «Qazteleradıo» AQ baspa, elektrondy jáne Internet-BAQ jýrnalısteriniń arasynda QR-daǵy tsıfrlyq teleradıo habarlaryn taratýdy damytýdyń ózekti máseleleri jónindegi úzdik jarııalanymdarǵa shyǵarmashylyq konkýrs jarııalaıdy, dep habarlady «Qazteleradıo» aktsıonerlik qoǵamynan.
Konkýrsqa qatysýǵa memlekettik jáne orys tilderinde baspasóz betterinde, televızııalyq efırde jáne Internet-keńistikte 2014 jylǵy 14 qańtar men 10 qarasha aralyǵynda jarııalanǵan materıaldar qarastyrylady. Konkýrsta respýblıkalyq, óńirlik elektrondyq jáne baspa BAQ, onyń ishinde Internet-saıttardyń jýrnalısteri men blogerleri de baǵyn synaýyna bolady. Jeńimpazdar BAQ túrleri boıynsha qarastyrylǵan nomınatsııalarda anyqtalyp, aqshalaı jáne baǵaly syılyqtarmen, dıplomdarmen marapattalady. Konkýrsqa qatysýshylardyń sanaty men nomınatsııa túrlerine qaraı aqshalaı syılyqtar 150 000 teńge, 100 000 teńge jáne 50 000 teńge mólsherinde bolmaq.
Baıqaýǵa qatysý týraly ótinishter 2014 jyldyń 10 qarashasyna deıin smi2014@kazteleradio.kz elektrondy adresine nemese 050040, Almaty q., Ál-Farabı d., 118. «Jýrnalısterdiń shyǵarmashylyq baıqaýy 2014» poshtalyq mekenjaıy boıynsha qabyldanady.
