BAQ: AQSh-ta adamǵa qaraǵanda otany jaqsy isteıtin hırýrg-robotty jasap shyǵardy
ASTANA. QazAqparat - AQSh-ta ota jasaǵanda belgili bir qyzmetterdi hırýrg-dárigerge qaraǵanda jaqsy oryndaıtyn álemdegi birinshi robot jasap shyǵaryldy, dep habarlaıdy RIA Novostı.
STAR (Smart Tissue Autonomous Robot) robottandyrylǵan avtonomııalyq qurylǵysy qol men teriniń kesken jerin tigý úshin avtomattandyrylǵan quraldan turady. Robot sondaı-aq ınfraqyzyl sýrettiń 3D-júıesimen jabdyqtalǵan, ol áreketterdiń naqty jolyn kórsetedi.
Vashıngtondaǵy Ulttyq balalar densaýlyǵyn saqtaý júıesiniń mamandary STAR-dy ishki organdarynyń ornalasýy adamdykimen uqsas shoshqaǵa synap kórdi.
Synaqtar kezinde enteroenterostomııa (as qorytý jolynyń qalpyna kelýi) - isik kesiletin qarapaıym hırýrgııalyq protsedýra ótkizildi, delingen Financial Times gazetiniń habarlamasynda.
«Qorytyndylary bizdi tańǵaldyrdy, STAR is-qımyldardy hırýrgtarǵa qaraǵanda jaqsy jasady», - dep jazdy gazet jobaǵa qatysýshy medıtsınalyq maman Pıter Kımniń sózderin keltire otyryp.
Onyń aıtýynsha, robot avtonomııalyq rejımdegi jumys úshin jasalsa da, onyń is-qımyldaryna kez kelgen sátte dáriger qosyla alady. «Eger birdene durys bolmaı qalsa, bir shertý robotty toqtatady», - dep atap ótti Kım.
Mamandardyń pikirinshe, robot soqyrishek jáne ót qabyn kesip tastaý sııaqty otalarda qajet bolady.
