BAQ: A320 ushaǵynyń áýeserigi batyp bara jatqan ushaqtyń qasynda «túsirilgen» sýretterdi jarııalaǵan
ASTANA. QazAqparat - Egyptair avıakompanııasynyń áýeserikteriniń biri - Samar Ezeddın apattan birneshe aı buryn batyp bara jatqan ushaqtyń qasynda túsken sýretin Facebook-te jarııalaǵan.
Al-Masry Al-Youm aqparattyq portalynyń jarııalaýynsha, sýrette boıjetken ústi sý-sý bolyp, muhıttan qurlyqqa aıaq basyp turǵan sáti túsirilgen. Al artqy jaǵynda ushaq batyp bara jatqan sát beınelengen. Bul, árıne, montajdalyp, qurastyrylǵan sýret edi.
Tanystary bul fotomontaj yrymǵa jaman ekenin, solaısha ol óziniń jáne borttastarynyń basyna qater úıirgenin aıtady.
Eske sala keteıik, bul osyndaı birinshi mıstıkalyq kezdeısoqtyq emes. Buǵan deıin áleýmettik jeli paıdalanýshylary MS804 reısiniń apatqa ushyraýy malaızııalyq boıngtiń qulaýynan 804 kún ótkennen keıin bolǵanyn eseptep shyqqan.
