BaiQymyz-2026: Elordada úzdik ulttyq obraz ıesine at mingizedi
ASTANA. KAZINFORM — Astanada festıvalge kelýshiler arasynda «Úzdik ulttyq kıim» baıqaýy ótedi, dep habarlaıdy elorda ákimdiginiń resmı saıty.
Astanada 11-12 shilde kúnderi ótetin BaiQymyz-2026 halyqaralyq gastrofestıvali aıasynda ulttyq mádenıet pen dástúrdi dáripteýge baǵyttalǵan «Dástúr sáni: BaiQymyz-2026» baıqaýy uıymdastyrylady.
Baıqaýǵa festıval qonaqtary ulttyq naqyshtaǵy erekshe kıim úlgilerimen qatysa alady.
Jeńimpazdy anyqtaý barysynda kıimniń ereksheligi jáne ulttyq elementterdiń úılesimi baǵalanady. Úzdik ulttyq obraz ıesine jylqy syıǵa tartylady.
Aıta keteıik, bıletterdi Ticketon platformasy arqyly satyp alýǵa bolady. Kelýshiler bir kúnge nemese festıvaldiń eki kúnine de arnalǵan bıletterdi tańdaı alady. Zeınetkerler men 16 jasqa deıingi balalar úshin kirý tegin.
Buǵan deıin «Qazanat» ıppodromynda ótetin BaiQymyz-2026 festıvaline qalaı jetýge bolatynyn jazǵanbyz.
