BaiQymyz-2026 festıvalinde qonaqtarǵa 56 tonna qymyz usynylady
ASTANA. KAZINFORM – 11-12 shilde kúnderi Astanadaǵy «Qazanat» ıppodromynda ulttyq mádenıet pen qazaqtyń dástúrli taǵamdaryn dáripteıtin BaiQymyz-2026 gastronomııalyq festıvali ótedi.
Eki kúnge sozylatyn aýqymdy is-sharada qala turǵyndary men qonaqtary ulttyq taǵamdardan dám tatyp, qazaq halqynyń salt-dástúri, qolóneri jáne mádenıetimen jaqynyraq tanysa alady.
Festıvaldiń basty ereksheligi – kelýshilerge 56 tonna qymyz usynylady.
– Baǵdarlama aıasynda sýretshiler men qolónershilerdiń kórmeleri, ulttyq at sporty oıyndary, balalar men eresekterge arnalǵan túrli tanymdyq jáne oıyn-saýyq sharalary uıymdastyrylady. Ár kún elimizdiń tanymal óner juldyzdarynyń qatysýymen ótetin gala-kontsertpen qorytyndylanady, – dep habarlady uıymdastyrýshylar.
BaiQymyz-2026 festıvali elimizdegi oqıǵalyq týrızmdi damytýǵa baǵyttalǵan mańyzdy jobalardyń biri sanalady. Іs-shara Týrızm jáne sport mınıstrligi bekitken 2026 jylǵy respýblıkalyq týrıstik is-sharalar kúntizbesine engizilgen jáne Ulttyq oqıǵalar kúntizbesiniń zákirlik is-sharalarynyń qataryna kiredi.
Uıymdastyrýshylardyń aıtýynsha, festıval ulttyq mádenı murany saqtaýǵa jáne keńinen nasıhattaýǵa, gastronomııalyq týrızmdi damytýǵa, sondaı-aq Astana men jalpy Qazaqstannyń týrıstik tartymdylyǵyn arttyrýǵa baǵyttalǵan.
Aıta keteıik, osy merekede balalarǵa arnalǵan rodeo, konkýr jáne ulttyq oıyndar baǵdarlamasy ázirlendi.
