BaiQymyz-2026: birqatar qoǵamdyq kóliktiń júrý baǵyty ýaqytsha ózgerdi
ASTANA. KAZINFORM – Astanada 11-12 shilde kúnderi «Qazanat» ıppodromynda BaiQymyz-2026 halyqaralyq gastrofestıvali ótip jatyr.
Osyǵan baılanysty turǵyndar men qala qonaqtaryna qolaıly jaǵdaı jasaý maqsatynda birneshe avtobýs baǵytynyń qozǵalys syzbasy ýaqytsha ózgertildi.
13 shildege deıin №18, №37 jáne №303 avtobýs baǵyttary ýaqytsha ózgertilip, osy aralyqta festıval ótetin «Qazanat» ıppodromyna deıin qatynaıdy.
Sondaı-aq 11 jáne 12 shilde kúnderi atalǵan marshrýttardyń jumys ýaqyty saǵat 23:00-ge deıin uzartyldy.
Uıymdastyrýshylar jol keptelisin boldyrmaý úshin festıval qonaqtaryna múmkindiginshe jeke avtokóliktiń ornyna qoǵamdyq kólikpen qatynaýdy keńes etedi.
Festıvalge kirý úshin bir nemese eki kúnge arnalǵan bılet alý qajet. Al zeınetkerler men 16 jasqa deıingi balalar úshin BaiQymyz-2026 festıvaline kirý tegin.
Aıta ketelik Astanada ótetin gastrofestıvalde tanymal juldyzdar óner kórsetedi.
