Bahtııar Muhametqalıev QR jasandy ıntellekt jáne tsıfrlyq damý vıtse-mınıstri bolyp taǵaıyndaldy
ASTANA.KAZINFORM - Qazaqstan Respýblıkasy Úkimetiniń qaýlysymen Bahtııar Abaıuly Muhametqalıev QR jasandy ıntellekt jáne tsıfrlyq damý vıtse-mınıstri qyzmetine taǵaıyndaldy.
Bul týraly QR Úkimetiniń baspasóz qyzmeti habarlaıdy.
Ol 1990 jyly 1 shildede Almaty oblysy Bostandyq aýdanynda dúnıege kelgen.
T. Rysqulov atyndaǵy Qazaq ekonomıkalyq ýnıversıtetin jáne S. Seıfýllın atyndaǵy Qazaq agrotehnıkalyq ýnıversıtetin bitirgen.
Eńbek jolyn 2010 jyly Almaty qalasynda «Qazposhta» AQ-da bas maman bolyp bastaǵan.
2010–2020 jyldar aralyǵynda «Qazposhta» AQ-da bas mamannan AT-ınfraqurylym jónindegi atqarýshy dırektor jáne E-commerce departamentiniń dırektoryna deıin túrli qyzmetter atqarǵan.
2021–2022 jj. – «Azamattarǵa arnalǵan úkimet» Memlekettik korporatsııasy» KeAQ basqarýshy dırektory.
2022–2023 jj. – QR Premer-mınıstriniń Keńsesiniń Baqylaý jáne qujattamalyq qamtamasyz etý bóliminiń meńgerýshisi.
2023–2025 jj. – QR Úkimeti Apparatynyń Baqylaý jáne qujattamalyq qamtamasyz etý bóliminiń meńgerýshisi.
2025 jyldyń mamyr aıynan qazirgi kúnge deıin – Jasandy ıntellekt jáne tsıfrlyq damý mınıstrliginiń «Tsıfrlyq úkimetti qoldaý ortalyǵy» ShJQ RMK bas dırektory.
Osyǵan deıin Qazaqstan Prezıdentiniń keńesshisi taǵaıyndalǵany týraly jazdyq.
