Bahtııar Eıýbov AQSh-taǵy jekpe-jeginde jeńiske jetti
ASTANA. QazAqparat - Búgin qazaqstandyq boksshy Bahtııar Eıýbov AQSh-ta óziniń 12-shi jeńisine qol jetkizdi, dep habarlaıdy QazAqparat tilshisi.
Boks keshi AQSh-taǵy Detroıt qalasynda MGM Grand Detroit arenasynda ótti. Jerlesimiz bul joly jergilikti boksshy Gılbert Venegaspen (15-26-5, 8KO) judyryqtasty. Alty raýndtyq jekpe-jekte Eıýbov qarsylasyn 60-54, 59-55, 60-54 upaı sanymen utyp ketti. Osylaısha jerlesimiz kásipqoı bokstaǵy on ekinshi jeńisine qol jetkizdi.
Keshtiń basty kezdesýi reseılik Nıkolaı Potapov pen amerıkalyq Antonıo Nıeves arasynda ótti. Boks keshin amerıkalyq Showtime telearnasy tikeleı efırde kórsetti.
