Bahtııar Artaev: Brendon Kýk - Qanat Islamǵa laıyqty qarsylas
ASTANA. QazAqparat - Olımpıadalyq chempıon, Vel Barker kýbogynyń ıegeri Bahtııar Artaev qyrkúıekte otandasy Qanat Islam men kanadalyq Brendon Kýk arasynda ótetin aıqasqa qatysty óz pikirin bildirdi, dep habarlady "QazAqparat" HAA tilshisi.
Artaev Islamǵa jeńis tileı otyryp, bul jekpe-jekti asyǵa kútip júrgenin atap ótti. Ol sondaı-aq Kýk «Qazaq» úshin laıyqty qarsylas. Alǵa qoıylǵan maqsattarǵa jetý úshin - taıaý jyldary eń bedeldi tujyrymdar boıynsha álem chempıony bolý úshin Qanat Islam myqty qarsylastarmen judyryqtasýy tıis. Brendon Kýk bul ólshemderge sáıkes keledi. Maǵan qazirgi ýaqytta Qanat Islam Almatyǵa jaqyn Álemdik boks akademııasy bazasynda boks keshine qyzý daıyndyqta ekeni belgili», - dedi olımpıadalyq chempıon.
Onyń aıtýynsha, bul keshke basqa da belgili qazaqstandyq bylǵary qolǵap sheberleri qatysady. «Bul iri shara aıasynda birqatar belgili kásibı boksshylarymyz óner kórsetedi. Elordalyq ákimdikke, QR Mádenıet jáne sport mınıstrligine, «Samuryq-Qazyna» qoryna, «Astana-EKSPO-2017» ulttyq kompanııasyna osyndaı iri boks keshin uıymdastyryp jatqany úshin alǵys aıtamyn. Barsha qazaqstandyqtarmen birge bul keshti asyǵa kútip júrmin», - dedi Artaev.
Aldaǵy jekpe-jek jaıly óz pikirin Olımpıadalyq oıyndarda ulttyq quramnyń bapkeri (Sıdneı-2000, 2 altyn, 2 kúmis medal) Tursynǵalı Edilov te bildirdi. Ol Kýk kásibı rıngte jeńilip kórmegenin, Qanat Islammen tartysty jekpe-jek ótkizetinin aıtty.
