Bahtııar Adamjan Máskeýde birinshi syılyqqa ıe boldy
ASTANA. QazAqparat - "Astana Opera" teatrynyń jetekshi solısi, ulttyq balettiń jaryq juldyzy Bahtııar Adamjan Máskeýde máresine jetken (Reseı) HІІІ Halyqaralyq balet ártisteri men horeograftarynyń mártebeli baıqaýynda birinshi syılyqqa ıe bolyp, jeke-dara jeńiske qol jetkizdi. Sondaı-aq, osy baıqaýda «Astana Opera» baletiniń solısi Serik Naqyspekov te dıplomant atandy.
Baıqaý dúnıe júzine tanymal aldyńǵy qatarly opera jáne balet teatry, Reseıdiń ulttyq mýzykaly teatr mádenıetiniń eń iri oshaǵy Reseıdiń Úlken teatry sahnasynda ótti. Oǵan álemniń ártúrli elinen 170 balet ártisi men 30 horeograf qatysty.
Baıqaýdyń ádil-qazy tóraǵasy - KSRO halyq ártisi, Sotsıalıstik Eńbek Eri, Lenın syılyǵynyń, eki KSRO memlekettik syılyǵynyń laýreaty, Úlken teatrdyń horeografy ıÝrıı Grıgorovıch (Reseı). Al quramyna Reseıdiń halyq ártisi, Máskeý memlekettik horeografııa akademııasynyń rektory Marına Leonova (Reseı); Reseı halyq ártisi, Úlken teatrdyń Prıma-balerınasy Svetlana Zaharova (Reseı); Reseıdiń eńbek sińirgen ártisi, Marıın teatrynyń balet trýppasy meńgerýshisiniń mindetin atqarýshy ıÝrıı Fateev (Reseı) jáne taǵy basqalary kirdi.
Esterińizge sala keteıik, 1969 jyly negizi qalanǵan máskeýlik baıqaý tez arada joǵary kásibı bedelge, shyǵarmashylyq abyroıǵa ıe boldy. Endi bul álemdegi kórnekti balet baıqaýlarynyń biri bolyp tabylady, al bıyl saıys onyń kórkemdik jetekshisi, osy zamannyń tanymal horeografy ıÝrıı Nıkolaevıch Grıgorovıchtyń 90-jyldyǵynda ótkizilip jatyr. Balet ártisteri men horeograftardyń halyqaralyq konkýrsy-2017 «Orys baletiniń jyly jáne Marıýs Petıpanyń 200-jyldyǵynyń» aldyn alady.
Máskeýlik balet baıqaýy HH ǵasyrdyń ekinshi jartysy men HHІ ǵasyrdyń basynda álemdik balettiń jaryq juldyzdary atanǵan tamasha bıshilerdiń tobyn usynǵan edi. Olardyń ishinde Mıhaıl Baryshnıkov, Vıacheslav Gordeev, Vladımır Malahov, German Korneho, Mısa Kýranaga, Tıago Sýaresh, Evgenııa Obraztsova, Ivan Vasılev, Natalıa Osıpova jáne taǵy basqalary bar.
Bahtııar Adamjan «Esmeralda» baletinen Akteon varıatsııasyn, «Don Kıhot» baletinen Bazıl varıatsııasyn oryndady, alǵash ret sahnaǵa «Talısman» jáne «Korsar» baletteriniń varıatsııalarymen shyqty. Baıqaǵandaı, óner kórsetýiniń biri bıshiniń týǵan kúni - 16 maýsymmen tuspa-tus keldi. Tyńdarman ártisti «Baıaderka» baletinen Solordyń tanymal varıatsııasymen sahnaǵa bıske shaqyrdy.
Bahtııar Adamjan óz kezeginde oǵan qoldaý kórsetkeni úshin Qazaqstannyń Mádenıet jáne sport mınıstrligine, Qazaqstan Respýblıkasynyń Tuńǵysh Prezıdenti - Elbasynyń Qoryna, sonymen qatar men úshin shyn jankúıer bolǵan barlyq jandarǵa óziniń sheksiz alǵysyn aıtty.
"Bul meniń shyǵarmashylyq ómirimdegi asa kúrdeli baıqaýlardyń biri boldy, sheberliktiń joǵary tehnıkalyq deńgeıi bar laıyqty qarsylastar boldy. Baıqaýǵa qatysý arqyly men aldaǵy jumysyma jáne jańa bıikterge qol jetkizýge serpin aldym",- dedi "Astana Opera" teatrynyń jetekshi solısi.
Eske salar bolsaq, 10 maýsym kúni bizdiń ártisterimiz Valentına Kozlovanyń Halyqaralyq balet ártisteri baıqaýynda, VKIBC, (Nıý-Iork, AQSh) qos jeńiske jetken edi. «Astana Operanyń» jetekshi balet solısi Bahtııar Adamjan osy baıqaýdyń tarıhynda birinshi ret «Klassıkalyq bı» atalymynda Bas júlde ıegeri atanǵan bolatyn. «Astana Opera» balet solısi Serik Naqyspekov mártebeli úshinshi orynǵa ıe boldy (qola medal).
20 maýsym kúni ártisterdiń qatysýymen marapattaý rásimi jáne Gala-kontsert ótti.
