23:50, 12 Qarasha 2023 | GMT +5
Qazaqstandyq fýtbolshy Baqtıer Zaınýtdınov jaraqat alyp qaldy
Qazaqstan quramasynyń oıynshysy Bahtıer Zaınýtdınov «Beshıktash» sapyndaǵy kezekti oıynyn ótkizdi. Otandasymyz Túrkııa Sýperlıgasynyń 12-týrynda jaraqat alyp qaldy, dep habarlaıdy Kazinform Prosports.kz saıtyna silteme jasap.
Dopqa talas kezinde onyń betine «Istanbýl Bashakshehır» oıynshysy Djerom Opokýdyń shyntaǵy qatty tıip ketti. Saldarynan otandasymyzdyń bas súıegi, kózi jáne murnyna zaqym keldi. Jartylaı qorǵaýshy «Istanbýl Bashakshehırmen» bolǵan oıynnyń 41-mınýtynda aýystyryldy.
Oıynshy Ystambuldaǵy aýrýhanalardyń birine jatqyzyldy.
Bul oıynda «Beshıktash» 1:0 esebimen jeńiske jetti.
Aıta keteıik, 17 qarashada Qazaqstan quramasy óz alańynda San-Marınomen oınasa, 21 qarashada syrtta Slovenııamen kezdesedi.