Bahtıer Zaınýtdınov endi Reseıdiń «Dınamo» komandasy sapynda oınaıdy

ASTANA. KAZINFORM — Qazaqstandyq jartylaı qorǵaýshy Bahtıer Zaınýtdınov Reseıdiń «Dınamo» (Máskeý) komandasyna aýysty. 

Bahtıer Zaınýtdınov 1998 jyldyń 2 sáýirinde dúnıege kelgen. Buǵan deıin qazaqstandyq «Taraz», «Astana» fýtbol klýbtarynda, Reseıdiń «Rostov» jáne TsSKA komandalarynda dop tepti. 

Qazirge deıin ol Túrkııanyń «Beshıktash» klýby sapynda oıyn kórsetti. Atalǵan komandamen qazaqstandyq fýtbolshy 2023 jyldyń 18 tamyzynda kelisimshartqa qol qoıǵan edi. Kelisimshart 2027 jyldyń 30 maýsymyna deıin atalǵan klýb sapynda oınaýyna múmkindigi bar bolatyn. Túrkııalyq klýbta 27 jastaǵy otandasymyz 2023 jyldan beri 49 matchta bir gol soqty.

Bahtıer Zaınýtdınov jańa klýbymen 2029 jylǵa deıin jaramdy kelisimshartqa qol qoıdy. Reseılik komanda Bahtıer Zaınýtdınov úshin «Beshıktashqa» 2,5 mln eýro tóledi.

Eske salsaq, budan buryn qazaqstandyq fýtbolshy Ǵalymjan Kenjebek semeılik «Elimaı» komandasyna aýysty.