Bahreınniń Bapco Energies kompanııasy fors-major jarııalady

ASTANA. KAZINFORM - Bahreınniń memlekettik munaı-gaz kompanııasy Bapco Energies óńirde qalyptasqan jaǵdaıǵa baılanysty fors-major jarııalady. Bul týraly Bahrain News Agency-ge habarlady.

Kompanııanyń málimdeýinshe, Taıaý Shyǵystaǵy aımaqtyq qaqtyǵys pen munaı óńdeý keshenine jasalǵan sońǵy shabýyl kompanııa qyzmetine áser etken. Osyǵan baılanysty kásiporyn fors-majorlyq jaǵdaılardyń bastalǵany týraly resmı túrde habarlaǵan.

Sonymen qatar kompanııa ishki naryqtaǵy qajettilikter tolyq qamtamasyz etilip otyrǵanyn atap ótti. Aldyn ala ázirlengen josparlarǵa sáıkes jetkizilimder úzdiksiz júrgizilip, jergilikti suranys esh kedergisiz qanaǵattandyrylyp jatyr.

Buǵan deıin Brent crude oil baǵasy 2022 jyldan beri alǵash ret barreline 100 dollardan (75,11 fýnt) asqany habarlanǵan edi. Sarapshylar muny AQSh pen Izraıldiń Iranmen qaqtyǵysynyń kúsheıýi jáne Ormýz buǵazy arqyly munaı jetkiziliminiń uzaq ýaqytqa toqtaý múmkindigine degen alańdaýshylyqpen baılanystyrady. Degenmen ótken aptada naryqtaǵy jaǵdaı salystyrmaly túrde turaqty bolǵan.

Osyǵan deıin Ormýz buǵazy aınalasyndaǵy shıelenis ekonomıkalyq táýekelderdi kúsheıtip otyrǵany týraly jazdyq.

Sondaı-aq Ormýz buǵazyndaǵy júk tasymaly 90%-ǵa tómendegen.