Bahreınge Saýd Arabııasy qaýipsizdik kúshteriniń 1 myńdaı qyzmetkeri kirdi
ASTANA. 15 naýryz. QazAqparat - Keshe, 14 naýryzda Bahreın aýmaǵyna kirgizilgen Parsy shyǵanaǵyndaǵy Arab memleketteriniń yntymaqtastyq keńesine múshe elderdiń áskerı bólimderiniń quramynda Saýd Arabııasy qaýipsizdik kúshteriniń 1 myńdaı qyzmetkeri bar.
Bul týraly Katardyń «Ál-Jazıra» telearnasy habarlady.
Bul áskerı bólimderdiń elge kirgizilýin Bahreın oppozıtsııasy «sheteldik áskerı aralasý jáne okkýpatsııa» dep baǵalap otyr. Saýd Arabııasy Koroldiginiń ókili óz kezeginde, atalmysh birlesken kúshterdiń monarhııa bıligine eldegi qoǵamdyq tártipti saqtaýǵa kómektesetinin málim etti.
Bahreındegi tolqýdyń jalǵasqanyna bir aıdyń júzi boldy. Shııtter bılik basyndaǵy súnnıtterden áleýmettik-ekonomıkalyq jáne saıası reformalar júrgizýdi talap etýde.
