Bahreındegi ÁCh alǵashqy kúni: qazaqstandyq 9 MMA sheberi jeńiske jetti
ASTANA. QazAqparat - MMA boıynsha Qazaqstannyń ulttyq quramasy úshin Baıhreınde ótip jatqan Álem chempıonatynyń alǵashqy kezeńi sátti bastaldy, dep habarlaıdy «QazAqparat» HAA tilshisi QR MMA federatsııasynyń baspasóz qyzmetine silteme jasap.
Tirkeý, ólsheý jáne medıtsınalyq tekserý protsedýralarynan ótken komanda, uıymdastyrýshylardan eki tústi jarys kıimderin alǵan: kók jáne qyzyl. Al Azııanyń úsh chempıony Ernaz Musabek, Oljas Moldaǵalıev jáne Jan Kenjebaevqa altyn tústes jarys kıimi berildi.
Álem chempıonaty Bahreın úkimeti men sol eldiń hanzadasy Halıd Hamad ál-Halıfanyń qoldaýymen ótip jatyr.
«Atalǵan jarysqa Qazaqstan ulttyq quramasynyń sapynda 15 MMA sheberi qatysýda. Chempıonatqa jalpy 51 memleketten 252 sportshy jınaldy. Qazaqstandyqtar úshin jarystyń alǵashqy kúni sátti ótti. Atap aıtqanda, 56,7 keli salmaqta sharshy alańǵa shyqqan almatylyq Dastan Jaqypbekov Bolgarııadan kelgen Nıkolaı Ivaılovty tóreshilerdiń sheshimi boıynsha jeńdi. 61,2 keli salmaqta Qazaqstannyń týyn kótergen Azııa chempıony Oljas Moldaǵalıev úndistandyq Aakashgýtamnan basym tússe, qaraǵandylyq Dinıslam Jetpisov ázerbaıjandyq Mahammad Álıevti jeńdi», - dep habarlady federatsııadan.
Sondaı-aq 65,8 kelige deıingi salmaq dárejesinde qaraǵandylyq Mereı Jubanov Polshadan kelgen Erık Valekkıdi qapy qaldyrǵan. Al shymkenttik Bekzat Jasııa shved myqtysy Danıel Skalangermen ekinshi ret kezdesip, bul joly da jeńisti qoldan bermedi.
70,3 kelige deıingi satyda qaraǵandylyq Neımat Asadov dat sportshysy Dane Hoakım ıAnkovıchti utty.
Ókinishke qaraı, Aqmola oblysynan barǵan Darhan Jumabaı Chehııanyń myqty sportshysy ıAkýbı Tıhotaǵa ese jiberip aldy.
Chempıonatta 77,1 kelige deıingi salmaqta qazaqstandyq eki MMA sheberi de úzdik óner kórsetip, kórermenniń qoshemetine ıe boldy. Atap aıtqanda, Mahır Álıev IMMAF reıtıngisi boıynsha Eýropa chempıony Nıkolaı Nıkolovty haıkıkpen taldyrsa, Azııa chempıony Jan Kenjebaev polıak jaýyngeri Kamıl Stsyjevskııdi tehnıkalyq nokaýtpen úıine qaıtarǵan.
83,9 kelige deıingi ortasha salmaqta Mádı Dosmuhametov Bahreınniń myqtysy Abdýlhahman Alhasandy tóreshilerdiń sheshimimen jeńdi. Al AQSh-tyń sheberi Derıan Heks pen Meırambek Demeýbaevtyń aıqasy otandastarymyzdyń ókinishine qaraı Meırambektiń jaraqatyna baılanysty toqtatylǵan.
«Jarystyń alǵashqy kúniniń qorytyndysy boıynsha, qazaqstandyq 11 sportshynyń 9-y shaıqasty jeńispen aıaqtady. Qazaqstandyq faıterler 9 kezdesýdiń jeteýin merziminen buryn sońyna jetkizgen», - dep habarlady QR MMA federatsııasynyń baspasóz qyzmetinen.
Bahreınde MMA sport túrinen Álem chempıonaty 12-19 qarasha aralyǵynda ótedi . Onda 14 salmaq dárejesinde 51 elden 252 sportshy baq synaýda. Qazaqstan namysyn qorǵaýǵa Ulttyq quramanyń 15 sportshysy attandy. Baıraqty dodanyń áıelder dıvızıonynda elimiz atynan alǵash ret 52,2 kg deıingi salmaqta Azııa vıtse-chempıony Aıan Tursyn jáne 56,7 kg deıingi salmaqta Gúlmıra Nuǵmanova qatysyp jatyr.
