Bahreınde oppozıtsııa kóterilisi kezinde 33 adam mert bolyp, 400-den astam adam jaralanǵan - arnaıy komıssııa jetekshisi
ASTANA. 25 shilde. QazAqparat - Aqpan aıynda Bahreınde bolǵan úkimetke qarsy kóterilistiń barysynda 33 adam qaza taýyp, 400-den astam adam jaralanǵan.
Bul týraly aqpan oqıǵasynyń mán-jaıyn tekserýmen aınalysqan táýelsiz tekserý komıssııasynyń jetekshisi Sharıf Bassıonı málim etti.
30 qazanǵa deıin komıssııanyń arnaıy baıandamasy jarııalanyp, onda oqıǵanyń resmı túsindirmesi berilip, tolqýdy toqtatý úshin qabyldanǵan qatań sharalardyń sebepteri túsindirilmek.
Bahreınniń elordasy -Manamadaǵy tolqý arab álemindegi aktsııalarmen qatar bastalǵan bolatyn, biraq jergilikti ókimet manıfestshilerdi ortalyqtaǵy Іnjý alańynan shetke qaraı yǵystyra aldy. Keıinnen elge «Túbek qorǵany» baǵdarlamasynyń aıasynda Saýd Arabııasy men Arab Ámirdikterinen kúsheıtilgen polıtsııa kúshteri engizildi.
