Bahreınde qazaqstandyq 21 qyz seksýaldyq quldyqtan bosatyldy - QR SІM

NUR-SULTAN. QazAqparat - Qazaqstannyń Saýd Arabııasyndaǵy Elshiliginiń járdemimen Bahreın polıtsııasy 21 QR azamatshasyn seksýaldyq quldyqtan bosatty, dep habarlaıdy QazAqparat syrtqy saıasat vedomostvosynyń baspasóz qyzmetine silteme jasap.

Jaqsy jalaqy týraly ýádege sengen jas qyzdar Bahreınge qonaq úıde qyzmet kórsetý salasynda jumys isteýge kelgen. Alaıda, kelgen boıda kútip alýshylar olardyń qujattaryn tartyp alyp, jezókshelikpen aınalysýǵa májbúrlegen. Baǵynbaǵan jaǵdaıda kúsh kórsetken.

Qazirgi ýaqytta barlyq kúdiktiler, sonyń ishinde qazaqstandyq azamatshalar ustalyp, tıisti tergeý jumystary júrgizilýde. Zardap shekkender arnaıy ońaltý ortalyǵyna ornalastyrylyp, jýyq arada Qazaqstanǵa qaıtarylady.