Bahreınde qazaq qyzdaryn ıntımdik qyzmetke tartqan Shymkent turǵyny sottaldy
Shymkent qalalyq sotynyń qylmystyq ister jónindegi sot alqasynda Bahreın Koroldiginiń qonaq úılerinde «Adam saýdasy» jáne «Kámeletke tolmaǵandardyń saýdasy» jónindegi qylmystyq is boıynsha apellıatsııalyq shaǵym qaraldy, dep habarlaıdy Kazinform.
Bahreın Koroldiginde eki qazaqstandyq qyzdy ıntımdik qyzmet kórsetýge májbúrledi dep aıyp taǵylǵan Shymkent qalasynyń 24 jastaǵy turǵyny naýryz aıynda qamaýǵa alynǵan bolatyn. Oǵan QR QK 128 «Adam saýdasy» jáne QR QK 135 «Kámeletke tolmaǵandar saýdasy» boıynsha qylmystyq is qozǵaldy. Tergeý aıaqtalǵannan keıin is sotqa berildi.
Sottalýshynyń birneshe aı buryn dúnıege ákelgen balasynyń baryn eskere otyryp Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda 8 jylǵa bas bostandyǵynan aıyrý jazasy taǵaıyndaldy.
Sottalýshy sotta óziniń kinásin moıyndamady. Onyń qorǵaýshysy apellıatsııalyq shaǵym túsirip, úkimge shaǵymdandy.
Shymkent qalalyq sotynyń qylmystyq ister jónindegi sot alqasynyń qaýlysymen Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń úkimi ózgerissiz qaldyrylyp, apellıatsııalyq shaǵym qanaǵattandyrylǵan joq.
«Shymkent qalalyq sotynyń qylmystyq ister jónindegi sot alqasynyń 2023 jylǵy 29 qarashadaǵy qaýlysymen sottalýshyǵa qatysty Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń 2023 jylǵy 27 qyrkúıektegi úkimi ózgerissiz qaldyryldy. Birinshi ınstantsııanyń úkimimen ol 8 jylǵa bas bostandyǵynan aıyrý jazasyna kesilip, jazasyn jalpy tártiptegi qylmystyq-atqarý júıesi mekemesinde óteıtin boldy. Úkim zańdy kúshine endi», — delingen Shymkent qalalyq sotynyń baspasóz qyzmeti usynǵan aqparatta.
