Bahreın men BAÁ Izraılmen beıbitshilik týraly kelisimge qol qoıdy
VAShINGTON. QazAqparat – 15 qyrkúıek kúni Aq úıde Birikken Arab Ámirlikteri men Bahreın ókilderi Izraılmen beıbit kelisimderge qol qoıdy, dep habarlaıdy QazAqparat Reuters agenttigine silteme jasap
Seısenbi kúni Aq úıde BAÁ syrtqy ister jáne halyqaralyq yntymaqtastyq mınıstri Abdalla ben Zaıd Ál-Nahaııan men Bahreın eliniń syrtqy ister mınıstri Ábdel Latıf áz-Zaıanı Izraıl premer-mınıstri Bınıamın Netanıahýmen qatynastardy retteý týraly kelisimge qol qoıdy. AQSh prezıdenti Donald Tramp bul kúndi «búkil Taıaý Shyǵys úshin tarıhı kún» dep atap , «onyń múmkin bolatynyna eshkim senbegenin» atap ótti.
Amerıka kóshbasshysy Izraıl premerine Aq úıdiń atynan sımvolıkalyq kiltti tabystap, BAÁ men Bahreınnen taǵy 5-6 el úlgi alýy múmkin ekenin qosyp ótti. Bul rette ol naqty memleketterdi ataǵan joq.
13 tamyzda BAÁ men Izraıl qatynastardy retteý, sonyń ishinde dıplomatııalyq qatynastardy ornatý týraly kelisti. Ábý-Dabı Izraıldiń ekonomıkalyq boıkotyn toqtatty, onyń ornyna Izraıl Iordan ózeniniń Batys jaǵalaýyndaǵy aýmaqta eldigin ornatýdy toqtatýǵa nıetti.
Eske sala ketsek, 11 qyrkúıekte Bahreın men Izraıl dıplomatııalyq qatynastar ornatatyny týraly jarııa etti.
Buǵan deıin arab áleminde Izraıldi tek Mysyr men Iordanııa moıyndaǵan edi.
