Bahreın koroli «Áziret Sultan» meshitine bardy (FOTO)

ASTANA. QazAqparat - Elordamyz Astana qalasyna arnaıy issaparmen kelgen Bahreın koroldiginiń sheıhy Hamad ıbn Isa ál-Halıfa búgin «Áziret Sultan» meshitine kirip shyqty.

Sáýleti men sáni jarasqan qulshylyq ordasyna alǵash qadam basqan ol sálem namazyn oqyp, duǵa qyldy.

Meshit aqysyn ótep bolǵan Bahreın sheıhi meshit ishin aralap, Elbasymyz N.Á.Nazarbaevtyń «Áziret Sultan» meshitine syıǵa tartqan HІІ ǵasyrdaǵy Quran qoljazbasymen tanysyp, kúmisten quıylǵan quran paraqtaryna kóz júgirtti. Qazirgi zaman tehnologııasymen jabdyqtalǵan jańa meshittiń jamaǵaty kóp bolýyn tilegen Bahreın koroline ulttyq dástúrimizge saı shapan jabylyp, qazaqtyń qos ishekti dombyrasy syıǵa tartyldy. Bul týraly muslim.kz habarlady.