Bahreın Iran tarapynan ushyrylǵan zymyrandar men drondardyń joıylǵanyn málimdedi
ASTANA. KAZINFORM – Bahreın Qorǵanys kúshteriniń áýe shabýylyna qarsy júıeleri Iran tarapynan ushyrylǵan úsh zymyran men birneshe ushqyshsyz ushý apparatyn joıdy, dep habarlaıdy Anadolu.
Bahreın Qorǵanys kúshteri Bas qolbasshylyǵynyń málimetinshe, shabýyldar koroldiktiń azamattyq turǵyndaryna qarsy baǵyttalǵan.
– Áýe shabýylyna qarsy qorǵanys júıeleri úsh zymyran men birneshe ushqyshsyz ushý apparatyn sátti túrde tosyp alyp, joıdy, – delingen resmı habarlamada.
Bas qolbasshylyq Irannyń áreketterin «dushpandyq ustanymnyń kórinisi» dep baǵalap, zymyrandyq jáne drondyq shabýyldardy aıyptady.
Sondaı-aq qarýly kúshterdiń barlyq bólimsheleri joǵary jaýyngerlik daıyndyq rejımine kóshirilgeni habarlandy.
– Eldiń qaýipsizdigin qamtamasyz etý úshin qarýly kúshterdiń barlyq bólimshesi tolyq daıyndyq jaǵdaıynda tur. Azamattardy saq bolýǵa jáne zymyrandar men ushqyshsyz apparattardyń qaldyqtary bolýy múmkin kúmándi zattarǵa jaqyndamaýǵa shaqyramyz, – dep málimdedi Bahreın Qorǵanys kúshteri.
Buǵan deıin, 6 maýsym kúni tańerteń Bahreın Іshki ister mınıstrligi el aýmaǵynda áýe dabyly sırenalary qosylǵanyn habarlaǵan edi.
Aıta keteıik, Iran AQSh-tan 24 mlrd dollardy qaıtarýdy talap etti.
