Bahreın áýe kompanııalary Qazaqstannyń 11 qalasyna usha alady

NUR-SULTAN. QazAqparat - 3 jeltoqsanda qazaqstandyq delegatsııa Bahreın avıatsııalyq bıligimen kelissóz júrgizdi, dep habarlaıdy QazAqparat Azamattyq avıatsııa komıtetine silteme jasap.

«Memleket basshysynyń tapsyrmasymen engizilgen «ashyq aspan» rejımi aıasynda Bahreın áýe kompanııalaryna Qazaqstannyń 11 áýejaıyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı) 5-shi «áýe erkindigin» paıdalaný múmkindigimen reıs sanyna shekteýdi alyp tastap, turaqty ushýyna múmkindik berildi. Reıster sany kúndelikti jıilikke deıin kóbeıgen» delingen habarlamada.

Sondaı-aq, eki eldiń taǵaıyndalǵan áýe kompanııalary ushý kezinde kodtardy birlesip paıdalaný týraly kommertsııalyq kelisim jasasa alady.

Qol jetkizilgen ýaǵdalastyq nátıjesi boıynsha Bahreın áýe kompanııalary Qazaqstandyq áýe kompanııalarmen kodtardy birlesip paıdalaný týraly kommertsııalyq kelisimder jasaýdy josparlap otyr.